Pentsioen erreforma arautzean hausnarketa eskatu dio EGABk Gobernuari

Pentsioen igoera BPGaren indizea kontuan hartu gabe arautzeko erabakiaren inguruan hausnarketa egitea eskatu dio Ekonomia eta Gizarte Arazoetarako Batzordeak (EGAB) Espainiako Gobernuari. Ministroen Kontseiluak ostiral honetan onartuko duen pentsioen erreforman biltzen den neurria da.

Pentsioen igoera diru-sarreren eta gastuen arabera egiteko erabakiak zalantzak eragiten dituela eta erosketa ahalmena galtzea ekarriko duela uste du Batzordeak. ''Gaitasun hori ez litzateke berreskuratuko'', EGABaren arabera.

Halaber, Batzordea ez dator bat bizi-itxaropena iraunkortasunerako faktore bakar gisa kontuan hartzeko erabakiarekin, eta faktore hori ''automatikoki'' aplikatzearekin.

Ildo horretan, beste aldagarri batzuekin uztartzea ere proposatu dute, tartean diru-sarrerak, enplegua eta jarduera ekonomikoa.

Gaur kaleratu dute datu horiek biltzen dituen ebazpena. Txostenak aldeko 43 botorekin, kontrako 8 botorekin eta 3 abstentziorekin egin du aurrera.