Eusko Jaurlaritza 'kezkatuta' dago Eroskiren egoerarekin

Arantza Tapia Garapen Ekonomikoa eta Lehiakortasun sailburuak esan du Fagorren "zati bideragarrietan interesatuta dauden inbertsoreak eta bazkide industrialak daudela", eta azpimarratu du, Eroskiri dagokionez, egoera "oso zaila" dela eta Eusko Jaurlaritza "kezkatuta" dagoela.

El Correori egindako adierazpenetan, Tapiak onartu du EAE ez dela "azkar" irtengo krisialditik, eta 2014a ere zaila izango dela; dena den, bere iritziz, Euskadin "geldoago" utziko dugu krisia atzean, baina etengabe ere.

Eroskiren inguruan, esan du egoera "zaila" dela eta nabarmendu du Jaurlaritza kezkatuta dagoela: "Espero dut euren bankuekin akordio bat lortzea", adierazi du, eta azpimarratu du arazoa finantzarioa dela, ez industriala: "Hortaz, Jaurlaritzak laguntzeko aukera txikiagoa da".

Azkenik, eta egoera ekonomikoaz, esan du "joera aldatzen ari dela", baina hastear dagoen urtea ez dela erreza izango ere gogorarazi du.